Од АМАН денес легнаа пред ЕВН. Се обидоа да го привлечат вниманието кај минувачите и во голем дел успеаја, го постигнаа посакуваниот ефект. Велат, тоа била вистинската физиономија на граѓанинот која метафорично се обидуваат да ја пренесат.
-Граѓанинот е легнат, како оние граѓани кои дома конфорно лежат дома и на оние кои не гледаат одоколу и се потсмеваат и кои утре ќе пијат кафе на Широк Сокак. Граѓанинот е убиен, изгазен, уживаме во ова газење, изјави Мариглен Демири, Граѓанска иницијатива АМАН.
-Овој симболичен акт ги претставува обичните граѓани, обичниот човек е веќе паднат на колена, лежи вака како нас, паднат, апатичен, уплашен. Ние сме легнати и моќта ја загубивме, изјави Ѓорѓи Пулевски, Граѓанска иницијатива АМАН.
Со протестите ќе продолжат преку вакви симболични актови, без насилство, со мирни протести. За утре очекуваат дека ќе има поголема присутност отколку на последниот.
-Очекуваме да има повеќе граѓани, минатиот пат не дојдоа заради времето, барем ние така се тешиме. Не доаѓаат од страв, лилипутански синдром, има песимистичка мантра низ градот дека ништо не може да се смени и да се направи, вели Пулевски.
Утрешниот протест, кој повторно ќе започне во 18 часот од пред фонтаната кај музејот, е шести по ред.
Граѓанска иницијатива Аман 