Вчеравечер, неколку активисти на граѓанската иницијатива АМАН присуствувале на отворената средба на граѓаните со премиерот Никола Груевски, организирана во училиштето “11 Октомври” во општина Центар.
Според активистите на АМАН, на средбата, која започнала во 18 часот, премиерот пристигнал со задоцнување од повеќе од еден час. По неколкуминутните излагања на министри и градочалници од редовите на ВМРО – ДПМНЕ, премиерот го отворил форумот и дозволил да се поставуваат прашања од публиката. Како што не информираа активистите, во моментот кога тие се обидувале да постават прашање, неколку непознати лица се испречиле пред нив, оневозможувајќи го визуелниот контакт со масата со говорници и премиерот. Неколку од граѓаните, кои биле присутни на трибината, ги охрабрувале граѓаните-активисти на АМАН да се симнат во долниот дел на салата, за да може премиерот да ги види и да не бидат „покриени“ од лицата кои го оневозможувале визуелниот контакт. Откако се соочиле со овој вид на притисок, активистите на АМАН, видно револтирани, ја напуштиле салата.
Целата ситуација можете да ја видите на овие видеа, снимени од активистите на граѓанската иницијатива против поскапувањата.
Извор:Актив
Граѓанска иницијатива Аман 