Аман не се откажува ќе продолжиме со протестите

Нови протести, а не е исклучена ниту опцијата за референдум, најавија активистите на граѓанската иницијатива Аман откако денеска пратениците ја отфрлија нивната иницијатива за промени на Законот за енергетика. Против предлогот на Аман гласаа 49 пратеници, 11 беа воздржани, а 4 гласаа за прифаќање на граѓанската иницијатива со која бара враќање на евтината дневна струја, како и да се укунат плаќањата на граѓаните за услуги кои што не ги користат. Гласањето се вршеше во отсуство на пратениците од опозицијата.

Инцијативата ја подржаа пратениците од партијата НДП и ДПА, додека пратениците од ДУИ гласаа воздржано. Против беа пратениците од најголемата владеачката партија.

Од Аман порачаа дека пратениците им свртеа грб на граѓаните, иако не беа изненадени од денешното гласање откако претходно двете владини комисии се произнесоа против барањето за промена на Законот за енергетика.

Најава за нови протести

Барањата за струјата и парното остануваат, но од Аман најавуваат дека ќе ги активираат и останатите барања со кои го почнаа протестот пред шест месеци.

„Сите легални граѓански форми на реагирање се во опција, па ако треба ќе собираме и потписи за референдум, иако знаеме колку тешко се реализираат таквите активности поради притисоците, какви што имавме за време на собирањето и на овие 10.000 протписи. Но,не се плашиме и нема да подлегнеме на притисоци и закани“, изјави Петрит Сарачини, активист на АМАН на прес конференцијата која се одржа вечерва.

Од АМАН истакнаа дека спремни и за разговор со претставници на Регулаторната комисија за енергетика и државните институции, кои како што рекоа, ќе  ги држат за збор и ќе побараат да го остварат  кажаното во врска со ангажираната моќност односно дека за 33 проценти можат да бидат намалени сметките за  домаќинствата.

Извор: Фактор

Пратениците гласаа против иницијативата на АМАН

                                                                                                      Пратениците во Собранието со 49 гласа „за“, 4 „против“ и 11 „воздржано“ гласаа против измените во Законот за енергетика и ја отфрлија иницијативата на граѓанската иницијатива АМАН, со која се бараше да се врати ефтината дневна тарифа на електрична енергија и да не им се наплаќа надомест за топлинска енергија на корисниците во Скопје кои се исклучиле од системот.

Зорица Димовска, овластен предлагач на законот, во образложение  пред пратениците  побара да се прифатат барањата во интерес на егзистенцијата на граѓаните, којашто се загрозувала со постојанo зголемување на цената на електричната енергија и на парното греење.

Таа побара да се почитуваат потписите на 13.169 граѓани и да се свика јавна расправа со експерти за да им се помогне на потрошувачите на струја.

Сузана Салиу од ДУИ оцени дека барањето на АМАН е оправдано, разумно и реално и е во согласност со економските околности.

Според пратеничката од Социјалистичката партија Владанка Авировиќ, пак прифаќањето на барањето на АМАН за враќање на евтината дневна тарифа ќе значи покачување на цената на струјата. Поради тоа, посочи, пратениците се во ситуација да се решат за рационални или емотивни одлуки.

Барањето на АМАН е оправдано и за пратеникот од НДП Изет Зеќири. Реплицирајќи и на Авировиќ, тој изнесе тврдење дека  зголемувањето на цената на струјата е резултат на зголемените оперативни трошоци на енергетските компании ЕЛЕМ и МЕПСO за 346 проценти, кои не биле во функција на подбрување на енергетскиот систем.

Пратеникот од ВМРО-ДПМНЕ Васко Пашевски истакна дека Собранието нема никакви ингеренции за барањата на АМАН и оти надлежна била Регулаторната комисија за енергетика, како независно тело.

Извор: 24 Вести

Помеѓу емоциите и разумот, власта избира да нема евтина струја

Навреди и непристојни коментари ѝ упатија пратениците на ВМРО-ДПМНЕ на Зорица Димовска, претставник на 13.169 граѓани кои предложија врќање на евтината дневна струја и ослободување на граѓаните од плаќање надоместоци за услуги од енергетските компании кои не ги користат.

Кој те подучуваше? На која партија ѝ припаѓаш? Треба да си одиш кај СДСМ…, беа дел од коментарите упатени до Димовска, која образложувајќи ги аргументите за барањето на граѓаните побара уште некоја минута за да го доврши она што сакаше да го каже.

– Јас не сум партиски определена. Ние сме граѓанска иницијатива, немаме лидер, но имаме разумна свест и сили да се активираме за правата на граѓаните.  – рече Димовска, одговарајќи на навредите.

Доколку сте решени да го отфрлите предлогот, на 13.169 граѓани, отфрлете го, рече Димовска, но барем почитувајте го мислењето на пратениците на ДУИ, ДПА и НДП кои ја поддржаа иницијативата.

– Предлогот сега го предавам во ваши раце, па вие одлучете. Ние си го кажавме нашето во текот на изминатите шест месеци и со собирањето на потписите – рече Димовска.

Повеќе +инфо

Ќотекот по грбот на граѓаните е најдобра мерка за штедењето!

Пред малку во Собранието почна расправата по иницијативата на АМАН за враќање на дневната евтина тарифа, и да не се плаќа за услугите кои граѓните не ги добиваат.
„На 14 август лани стартувавме со протести со цел да ја запознаеме јавноста за нетранспарентното работете на Регулаторната комисија за енергетика. Поради таквото работење дојде до поскапување на струјата, на останатите енергенси. Се укина дневната евтина тарифа. Но, протестите не беа доволни, никој не сакаше да нѐ контактира, моравме да почнеме со протести. Протестиравме секоја недела почнувајчи пред Комисијата, а тие не почувствуваа потреба да ни се обратат“, изјави Зорица Димовска, овластениот предлагач на иницијативата.
Таа порача дека Хелсиншкиот комитет веќе се изјасни дека 11 од 15 донесени пропис на РЕКЕ не се легитимни.

„А имавме и закани, да не протестираме. И овде во собранието не нѐ дочекаа со почит, иако се пријавивме регуларно да ја следиме седницата за интерпелација на претседателот на РКЕ, тоа не ни беше дозволено. Останавме надвор. Нема да ви објаснувам колку труд, енергија и пари потрошивме, но ние сме само граѓанска иницијатива, обединета во борбата против поскапувањата. Ние сме 13 169 граѓани кои бараат промена на закон. Вам, како пратеници од народот Ви порачувам да нѐ поддржите, Вие сте последната инстанца што може да го пробие молкот на институциите“, вели Димовска.

На први август струјата поскапи за 10 %, а беше укината дневната евтина тарифа, затоа што според РКЕ така ќе се намалел увозот на струја. Граѓаните сега треба да перат по 22 часот, да станат ноќни птици.
„РКЕ реши дека поскапувањата се мајка на штедењето, или ќотекот по грбот на граѓаните е најдобра мерка за штедењето“, изјави Димовска од парламентарната говорница.
Таа порача дека животниот стандард е низок, платите не ги следат поскапувањата.

„Бараме да нѐ заштитите и да изгласате законска обврска со која секоја енергетска компанија мора да има дневна евтина тарифа. И граѓаните да не плаќаат за услугата која не ја добиваат, за парното греење.
Ако сте решиле да ја отфрлите иницијативата на АМАН, сторете го тоа. Но тоа ќе значи дека не ги почитувате барањата на граѓаните. Барем, почитувајте го ставот на ДУИ и ДПА. Тие нѐ разбраа. Да организираме јавна експертска дебата за ова, тогаш вистината ќе излезе на виделина“, заврши предлагачот на иницијативата на АМАН.

Извор: Фактор

Пратениците немаат алиби за евтината струја – Нова Македонија

Со плата од околу 1.000 евра, се чини дека пратениците навистина не се загрижени поради тоа што сметките за парно и за струја се драстично зголемени за период од нецели две години

Пратениците немаат алиби за евтината струја – Нова Македонија.

АМАН“ ПОВТОРНО НЕ ДОБИ ПОДДРШКА ОД ПРАТЕНИЦИТЕ

Пратениците уште еднаш го отфрлија барањето на граѓанската иницијатива „АМАН“ за поевтина струја и парно. За време на денешната расправа, собраниската законодавно-правна комисија не ги прифати предложените измени на Законот за енергетика со образложение дека нема услови Собранието законски да и наложи на Регулаторната комисија за енергетика како трајна мерка да ја воведе евтината дневна тарифа за струја.

Против граѓанската иницијатива, инаку поддржана од над 13 илјади граѓани, гласаа пратениците од ВМРО-ДПМНЕ, а пратеничката Сузана Салиу од ДУИ остана воздржана. Пратениците од опозициската СДСМ не присуствуваа на расправата.

Собранието денеска ја стави иницијативата на „АМАН“  и на дневен ред на денешната пленарна седница. Според најавите, партиите ДУИ, ДПА и НДП најавија дека ќе го поддржат барањето на „АМАН“, додека од ВМРО ДПМНЕ посочија дека ќе го прифатат ставот на собраниските комисии.

Инаку пред неколку дена Kомисијата за економски прашања го отфрли предлогот на „АМАН“ со образложение дека доколку се врати дневната евтина тарифа, со тоа ќе се оптоварат електраните, ќе се зголеми увозот на скапа струја и ќе поскапи  електричната енергија. Претставниците на  „АМАН“ најавија дека доколку не добијат поддршка за нивните барања во Собранието, можно е да покренат поголема акција за собирање 150.000 потписи за референдум за овие прашања.

Извор: Радио Моф

ALFA TV – Економија – АМАН не доби амин за враќање на дневната евтина струјата

Претставниците од граѓанската иницијатива АМАН не ја прифаќаат споредбата на Македонија со останатите земји од регионот и Европа, бидејќи не бил споредлив ниту стандардот на граѓаните.

Иако АМАН доби првичен негативен сигнал од надлежните, останува надеж дека предложените измени на законот за енергетика сепак ќе го поминат комисискиот филтер и ќе се најдат на пленарна седница пред пратениците, кои се на потег.

ALFA TV – Економија – АМАН не доби амин за враќање на дневната евтина струјата.

Расправа на Комисијата за економски прашања за барањата на народната иницијатива АМАН

  На 7 фебруари во 14 : 00 сала Борис Трајковски во Собрание, Комисијата за економски прашања ќе расправа за барањата на народната иницијатива АМАН на истиот ден исто во 14:00 часот во Уставна сала ќе расправа Законодавно-правна комисија за АМАН,на двете комисии предлог измените се ставени на прво читање.
На 11.02. законот оди на пленарна седница исто така прво читање.

Линкови:

http://sobranie.mk/ext/sessiondetails1.aspx?Id=8278d143-89f5-46eb-9854-12bd81f1b860 – Пленарна,

http://www.sobranie.mk/ext/sessiondetails1.aspx?Id=0cd9576b-6e15-4518-8eb7-d6a752f92b5e – Законодавно-правна
http://www.sobranie.mk/ext/sessiondetails1.aspx?Id=5692e2bc-63e3-4431-ba92-7a788b8d2c0e – Економски прашања

ALFA TV – Економија – 13169 потписи на „Аман“ влегоа во Собрание

Иницијатива на „Аман“ за враќање на евтината дневна струја влезе во Собранието.  13.169граѓани чекаат дали владеачкото мнозинство ќе ги поддржи измените во законот за енргетика. Аман бара да престане и практиката на Топлификација да наплаќа на исклучените од мрежата за парно греењe

ALFA TV – Економија – 13169 потписи на „Аман“ влегоа во Собрание.

Соопштение за утрешниот протестен марш

Драги луѓе,собрани се 13178 потписи.
Ви благодариме на сите и Ве покануваме да ни се придружите утре при предавањето на потписите. Протестниот марш ќе започне во 14 часот, пред спомен-куќата на Мајка Тереза. Потписите одат во Собранието, а ние ќе очекуваме пратениците да ни ги изгласаат предлог-измените за кои се потпишувавме.
АМАН останува наднационална и надпартиска иницијатива, со граѓански барања на луѓе кои се различни, но обединети против скапотијата. Како што рече еден човек: „Наше е да си ја бараме правдата, па нека нè изненади да ја најдеме.“
Нека ни е со среќа!!!